दाताको दुई करोड सहयोगमा राधाकृष्ण मन्दिर निर्माण

बागलुङ । अन्तर्राष्ट्रिय कृष्णभावनामृत सङ्घ (इस्कोन गण्डकी) परियोजनाले बागलुङमा दाताको सहयोगमा राधाकृष्ण मन्दिर निर्माण गरेको छ । बागलुङ नगरपालिका–१ मालढुङ्गास्थित खुदुर्केमा मन्दिर तथा सभा हल निर्माण गरिएको छ ।

मन्दिरको शनिबार श्रीकृष्ण जन्माष्टमीका अवसरमा प्रभु पत्रीदास र महाविष्णु महाराजको बाहुलीबाट उद्घाटन गरिएको हो । इस्कोनका सदस्य तथा दानमुठी गर्ने भक्तजनबाट सङ्कलित रकमबाट रु दुई करोड ५० लाखभन्दा बढी रकम खर्चेर सुविधा सम्पन्न सभा हलसहित मन्दिर निर्माण गरिएको हो ।