सोनापुरको आईपीओमा सर्वसाधारणको अनिच्छा

काठमाडौं । शंकास्पद वित्तीय विवरण देखाएर सर्वसाधारणलाई प्रिमियम भाउमा शेयर बिक्री गर्न शुरू गरेको सोनापुर मिनरल्स एन्ड आयल लिमिटेडको आईपीओप्रति सर्वसाधारणको चासो न्यून देखिएको छ ।

सर्वसाधारणका लागि खुलेको ९७ लाख ३२ हजार ५४४ कित्ता आईपीओमा आइतबारसम्म जम्मा २४ लाख २६ हजार ९० कित्ता आवेदन परेको छ । सामान्यतया आईपीओ खुलेको दुई दिनभित्रै मागभन्दा बढी आवेदन पर्ने विगतको अनुभवका आधारमा सोनापुर मिनरल्सको आईपीओ त्यस अवधिका ‘सोल्ड आउट’ नहुने संकेत देखिएको लगानीकर्ताको भनाइ छ ।