१२ बुँदे ‘हेटौँडा घोषणापत्र’ जारी गर्दै सकियो बागमती मिडिया सम्मेलन

हेटौँडा । ‘बागमती मिडिया सम्मेलन’ १२ बुँदे हेटौँडा घोषणापत्र–२०८३ जारी गर्दै सम्पन्न भएको छ । नेपाल पत्रकार महासङ्घ बागमती प्रदेश समितिको आयोजनामा जेठ २२ गतेदेखि सुरु भएको सम्मेलन २४ गते बिहीबार घोषणापत्र सार्वजनिक गर्दै समापन भएको हो ।

सम्मेलनले पूर्ण प्रेस स्वतन्त्रता, लोकतन्त्र, मानवअधिकार र पत्रकारको पेसागत हितलाई अक्षुण राख्ने प्रतिबद्धता गरिएको छ । घोषणा पत्रमा सङ्घीय सरकारले सञ्चारमाध्यमहरूमाथि गरेको विभेदकारी विज्ञापन नीति फिर्ता लिन र स्वतन्त्र मिडियाको प्रवर्द्धनका लागि नीतिगत सुधार गर्न जोडदार माग गरेको छ ।