सम्पत्ति शुद्धीकरणमा सिंहविरुद्ध २७ करोडको मुद्दा

काठमाडौं । सम्पत्ति शुद्धीकरण अनुसन्धान विभागले कालो धनलाई सेतो बनाउने प्रयासस्वरूप सम्पत्ति शुद्धीकरण गरेको भन्दै सुरेन्द्रबहादुर सिंहविरुद्ध २७ करोड बढीको मुद्दा दायर गरेको छ । साविक चाँदनी–६ कञ्चनपुर घर भई हाल काठमाडौं सुकेधारा बस्ने ४९ वर्षीय सिंहको २७ करोड ६७ लाख ७८ हजार ६ सय ५६ रुपैयाँ एक पैसाको स्रोत नखुलेपछि मंगलबार विशेष अदालतमा मुद्दा दायर गरिएको विभागले जनाएको छ ।

विभागले सिंह र उनकी श्रीमती शारदादेवी सिंह र छोरा जीवनबहादुर सिंहका नाममा रहेको सम्पत्ति जफत गर्न पनि माग दाबीसहित मुद्दा दायर गरेको हो ।