दोस्रो वडा अध्यक्ष कपमा धिरेनलाई अग्रता

काठमाडाैं। दोस्रो काठमाडौं–१० वडा अध्यक्ष कप राष्ट्रिय खुला रेपिड चेस प्रतियोगितामा धिरेन राईले ६ अकंसहित अग्रता कायम गरेका छन् । स्विस लिग प्रणालीमा नौ चरणमा आयोजना हुने सो प्रतियोगिताको पहिलो दिन ६ चरणका खेल सम्पन्न भए । धिरेनले ६ खेलमा नै सफलता पाए ।

काठमाडौं महानगरपालिका–१० को आयोजनामा नयाँ बानेश्वरमा प्रतियोगिता भएको हो । प्रतियोगितामा २ सय २० खेलाडीको सहभागिता छ । प्रतियोगिताको उपाधि विजेताले २६ हजार २ सय ५० तथा उपविजयजीले २२ हजार ५ सय रुपैयाँ पुरस्कार पाउने छन्।