जर्मनीको सिएमटी मेलामा नेपालको सहभागिता

काठमाडौँ । नेपालले जर्मनीको स्टुटगार्टमा आयोजित प्रतिष्ठित क्याराभान, मोटर तथा पर्यटन मेला (सिएमटी) मा सहभागिता जनाएको छ ।

युरोपेली बजारमा नेपाललाई आकर्षक पर्यटन गन्तव्यका रूपमा प्रवर्द्धन गर्ने उद्देश्यले यही जनवरी १७ देखि २५ सम्म मेला आयोजना गरिएको थियो । उक्त मेलामा नेपाल–जर्मन उद्योग वाणिज्य सङ्घ (एनजिसिसिआई) का अध्यक्ष सन्तोषचन्द्र कुँवरले नेपाली व्यवसायीको टोलीको संयोजनको जिम्मेवारी प्राप्त गरेका थिए । उनले राससलाई भने, “यो मेला नेपाल र जर्मनको पर्यटनलाई जोड्ने महत्त्वपूर्ण पुल हो ।”