जसपा नेपालद्वारा पार्टी निर्णय विपरीत गतिविधि गरेको भन्दै आठ नेता निष्कासन

काठमाडौँ । उपेन्द्र यादव नेतृत्वको जनता समाजवादी पार्टी (जसपा) नेपालले पार्टी अनुशासन उल्लंघन गरेको ठहर गर्दै आठ जना नेतामाथि कारबाही गरेको छ।

पार्टीले दिएको जानकारीअनुसार प्रतिनिधि सभा निर्वाचनका क्रममा पार्टीको नीति, निर्णय र विधान विपरीत गतिविधि गरेको भन्दै पूर्वमन्त्री प्रदीप यादवसहित आठ नेतालाई पार्टी सदस्यताबाट निष्कासन गरिएको हो। यादव पार्टी परित्याग गरी नेकपा (एमाले) बाट उम्मेदवार बनेपछि कारबाहीको निर्णय गरिएको जनाइएको छ।