राजस्थानको लगातार चौथो हार, साम करनको विष्फोटक इनिङमा पञ्जाबको शानदार जीत

गुवाहाटी– इन्डियन प्रीमियर लीग (आईपीएल) २०२४ को सीजनमा बुधवार राति खेलिएको एउटा रोमाञ्चक खेलमा पञ्जाब किङ्सले पाँच विकेटको जीत हासिल गरेको छ । गुवाहाटीको बारसापारा क्रिकेट स्टेडियममा खेलिएको यो खेलमा पञ्जाबले राजस्थान रोयल्सलाई पराजित गरेको हो ।

सञ्जू सामसनको कप्तानीमा खेलिरहेको राजस्थान टीमको यो लगातार चौथो हार हो । यद्यपि, यो टीम प्लेअफका लागि यसअघि नै क्वालिफाई भैसकेको छ । राजस्थानको टीमले १३ खेलबाट १६ अंक जोडेको छ । यो टीमको अन्तिम खेल कोलकाता नाइट राइडर्ससंग यही आइतवार खेलिँदैछ ।