भ्रष्टाचारभन्दा पनि ठूलो समस्याका रूपमा ढिलासुस्ती रहे : शंकर पोखरेल

नेकपा (एमाले) का महासचिव शंकर पोखरेलले नेपालमा भ्रष्टाचारभन्दा पनि ठूलो समस्याका रूपमा ढिलासुस्ती रहेको बताएका छन्। उनले प्रशासनिक ढिलासुस्तीले नै भ्रष्टाचारलाई मलजल गरिरहेको र राज्यलाई ठूलो क्षति पुर्‍याइरहेको टिप्पणी गरे।

शनिबार पार्टीको केन्द्रीय कार्यालय च्यासलमा आयोजित एक अन्तरसंवाद कार्यक्रममा बोल्दै महासचिव पोखरेलले भने, “भ्रष्टाचार त समस्या हुँदै हो, तर त्योभन्दा ठूलो समस्या ढिलासुस्ती हो। यसले राज्यलाई ठूलो नोक्सानी पुर्‍याउँछ, जसको ज्वलन्त नमुना मेलम्ची खानेपानी आयोजना हो। भ्रष्टाचारले भन्दा ठूलो क्षति ढिलासुस्तीले गरेको छ।”