‘दिल्लीझैँ हिम्मत र सही व्यवस्थापन गरे काठमाडौँमा मेट्रो रेल असम्भव छैन’

काठमाडौँ । पूर्वाधारविद् सूर्यराज आचार्यले काठमाडौँ उपत्यकाको बढ्दो जनघनत्व र दयनीय सडक पूर्वाधारको अवस्थालाई मध्यनजर गर्दै यहाँ उच्च क्षमताको सार्वजनिक यातायात प्रणाली ‘मेट्रो रेल’ निर्माण गर्नुपर्ने आवश्यकता औँल्याएका छन्।

आचार्यले काठमाडौँलाई दीर्घकालसम्म देशको राजधानी र आर्थिक केन्द्रका रूपमा टिकाइराख्न प्रमुख कोरिडोरहरूमा मेट्रो रेलको विकल्प नभएको बताएका हुन्। आफ्नो सामाजिक सञ्जालमार्फत धारणा सार्वजनिक गर्दै उनले मेट्रो रेलबिना काठमाडौँको सहरी यातायात प्रणालीले थेग्न नसक्ने यथार्थ प्रस्तुत गरेका छन्।