जनताको फाइल पेन्डिङमा, सांसदको तुरुन्त सिफारिस !

विराटनगर । सङ्खुवासभा सभापोखरीका महेन्द्रकुमार जोगी चार वर्ष अगाडिदेखि क्यान्सर रोगले पीडित छन् । उनलाई क्लासिकल होजकिन लिम्फोमा नामक क्यान्सरले आक्रमण गरेको थियो ।

त्यसको उपचारको क्रममा धेरै रकम लाग्ने भएपछि उनले अढाई वर्ष अगाडि प्रदेशको आन्तरिक मामिला तथा कानुन मन्त्रालयमा उपचार सहायता माग गर्दै निवेदन दिए । तर, उनले भुक्तानी पाए २ वर्षपछि । त्यस क्रममा उनले अस्पतालको बेडबाट सयौँ पटक विभिन्न ठाउँमा फोन गरेर सोर्स-फोर्स लगाउनु परेको थियो ।