मर्मत र पुनः स्थापनापछि चन्द्रनहर सिँचाइ प्रणाली नेपाल सरकारलाई हस्तान्तरण

सप्तरी । जापान सरकारको सहयोगमा मर्मतसम्भार तथा सिँचाइ सुविधाको पुनः स्थापना गरिएको चन्द्रनहर सिँचाइ प्रणाली नेपाल सरकारलाई हस्तान्तरण गरिएको छ ।

कोशी पम्प चन्द्रनहर सिँचाइ व्यवस्थापन कार्यालयले सप्तकोशी नगरपालिका–१० भगिनी मलेठस्थित चन्द्रनहर किनारमा बुधबार आयोजना गरेको ‘पुर्वी तराई क्षेत्रको सिँचाइ प्रणाली पुनः स्थापना आयोजना हस्तान्तरण समारोह’ मा जापानका राजदूत सिन्तो एसबारुले नेपाल सरकारका ऊर्जा जलस्रोत एवं सिँचाइ मन्त्रालयका सचिव सरिता दवाडीलाई निर्माण सम्पन्न भएको कागजातहरू हस्तान्तरण गरेका हुन् ।