चार दिनदेखि वेपत्ता ७१ वर्षीय बृद्ध मृत फेला

लमजुङ । लमजुङका चार दिनदेखि वेपत्ता भएका एक ७१ वर्षीय बृद्ध मृत अवस्थामा शनिबार फेला परेका छन् । बेसीशहर नगरपालिका– ७ स्थित सहजी टोलमा स्थायी बसोबास भएका चन्द्रबहादुर भन्ने सन्तबहादुर रावल चारदिनदेखि वेपत्ता भएका थिए । उनी चौथो दिन घर नजिकैको खोल्सामा मृत अवस्थामा फेला परेवपछि उनका छिमेकीले प्रहरीलाई खबर गरेका थिए ।

परिवारजनले शुक्रबार मात्रै खोजीका लागि प्रहरी, पत्रकार, मानवअधिकारकर्मीलाई गुहार गरेका थिए । छिमेकीले उनलाई मृत अवस्थामा देखेपछि उनको घर र प्रहरीमा खबर गरेको बताए ।