निर्वाचन आचारसंहिता पालनाबारे छलफल

हिमाली जिल्ला जुम्लामा आगामी फागुन २१ गते हुने प्रतिनिधिसभा निर्वाचन नजिकिँदै जाँदा चुनावी माहोल तातेको छ। माघ ६ गते उम्मेदवारी दर्ता भएपछि गाउँ–बस्ती, चोक, चिया चौतारा र सामाजिक सञ्जालसम्म चुनावी गतिविधि तीव्र बनेका छन्।

यहीँ निर्वाचनलाई स्वच्छ, भयरहित र निष्पक्ष बनाउन निर्वाचन आचारसंहिता २०८२ विषयमा सरोकारवालाबीच अन्तरक्रिया कार्यक्रम गरिएको छ। मुख्य निर्वाचन अधिकृतको कार्यालय जुम्लाले आयोजना गरेको कार्यक्रममा आचारसंहिता उम्मेदवारका लागि मात्र नभई राजनीतिक दल, जनप्रतिनिधि, सरकारी कर्मचारी, सुरक्षाकर्मी तथा सञ्चारमाध्यमसम्म समान रूपमा लागू हुने स्पष्ट पारिएको छ।