सरकारले नेपाली चलचित्रलाई उपेक्षा र विदेशीलाई पक्षपोषण गरेको कलाकारको आरोप

काठमाडौं । नेपाल चलचित्र कलाकार संघले सरकारले नेपाली चलचित्र क्षेत्रलाई उपेक्षा गरेको आरोप लगाएको छ । सरकारले आर्थिक वर्ष २०८०/८१ को वार्षिक बजेटमा नेपाली चलचित्र उद्योगलाई उपेक्षा गरी विदेशी चलचित्रलाई पक्षपोषण गरेको संघको आरोप छ ।

नेपालमा विदेशी चलचित्र निर्बाध प्रदर्शन भइरहेको तथ्य कसैबाट नलुकेको भन्दै संघले सरकारको नीति कमजोर हुँदा विदेशी चलचित्रको प्रदर्शनले प्राथमिकता पाएको भन्दै संघले भनेको छ, “नेपाली चलचित्र क्षेत्र सोझै मारमा परिरहेको पीडा हामी दशकौँदेखि भोग्दै आएका छौँ ।”