बाक्लो हिमपातले रोकियो पदयात्रा

उच्च हिमाली भेगमा बाक्लो हिमपात भएको छ। हिमपातले हिमाली जिल्लाका उच्च भेगको जनजीवन पनि प्रभावित भएको छ। कतिपय जिल्लामा हिडडुल नै सकसपूर्ण बनेको छ। हिमाली क्षेत्रको पदयात्रामा जाने पर्यटकलाई सचेतना अपनाउन स्थानीय प्रशासनले अनुरोध गरेका छन।

हिमाली जिल्ला मनाङ, मुस्ताङ, म्याग्दी, गोरखाका माथिल्लो भेगमा बाक्लो हिमपात भएको छ। बस्तीमा हिउँ जमेपछि हिडडुल पनि सकसपूर्ण बनेको स्थानीयले बताएका छन। जिल्ला प्रशासन कार्यालय मनाङले सूचना जारी गर्दै माथिल्लो भेगमा भारी हिमपात भएको बताएको छ। अन्नपूर्ण फेरोमा पर्ने थोराङला भञ्ज्याङ पास, लार्केपास, काङलापास, तिलिचो लगायतका स्थानमा पदयात्रा गर्दा स्थानीय प्रशासनसँग समन्वय गर्न अनुरोध गरेको छ।