भोक महात्म्य

एकदिन दिउँसो फुर्सदको समयमा परिलो घाममा पिठ्यूँ तताएर बसिरहेको थिएँ । मलाई एक्कासि भोक लागेर आयो । मुखमा पानी आयो । के खाऔँ, के खाऔँ भयो । घर गएर खाजा खाएँ । भोक हरायो । भोक हराएपछि मलाई भोकको बारेमा जान्ने उत्कण्ठा जागेर आयो ।

बेलुकाको खानापछि नेपाली बृहत् शब्दकोश पल्टाएर हेरेँ । त्यहाँ भोकलाई यसरी चिनाइएको थियो, ‘यो नाम वाचक शब्द हो, भुँडी काउकाउ गरी आहाराको आवश्यकता परेको अनुभव हुनु, क्षुधा, छुद्धे, आदि ।