ग्रिसको एक्रोपोलिस नजिक भवनमा विस्फोट, दुई अचेत व्यक्तिको उद्धार

ग्रिसको राजधानी एथेन्सस्थित पर्यटकीय क्षेत्र प्लाकामा शुक्रबार भएको विस्फोटपछि भत्किएको भवनको भग्नावशेषबाट उद्धारकर्ताहरूले दुई अचेत व्यक्तिको उद्धार गरेका छन् ।

अधिकारीका अनुसार अन्य चार जनाको खोजी कार्य शनिबार पनि जारी रहेको छ । एथेन्सका मेयर हारिस डुकासका अनुसार प्रारम्भिक अनुसन्धानले ठूलो मात्रामा ग्यास चुहावटका कारण विस्फोट भएको हुन सक्ने देखाएको छ । विस्फोटका कारण आसपासका भवनहरूमा पनि क्षति पुगेपछि ती भवन खाली गराइएको उहाँले बताउनुभयो ।