बसको ठक्करबाट मोटरसाइकल चालकको मृत्यु

दाङ — दाङमा मंगलबार राति यात्रुबाहक बसले ठक्कर दिँदा मोटरसाइकल चालकको मृत्यु भएको छ ।

घोराही–लमही सडक खण्डअन्तर्गत घोराही उपमहानगरपालिका १७ बेलभारस्थित तुलसीपुरबाट काठमाडौं जाँदै गरेको तुलसीपुर यातायात प्रालिको ना ६ ख १४८६ नम्बरको बसले गोग्लीबाट घोराहीतर्फ जाँदै गरेको लु ४१ प ८०९२ नम्बरको मोटरसाइकललाई ठक्कर दिँदा चालकको मृत्यु भएको हो ।