आजबाट नयाँ युगको सुरुवात! नागढुंगा सुरुङमार्गको औपचारिक उद्घाटन हुँदै

नेपालकै पहिलो सडक सुरुङमार्गका रूपमा निर्माण गरिएको नागढुंगा–सिस्नेखोला सुरुङमार्ग आज (साउन ११) औपचारिक रूपमा सञ्चालनमा आउने भएको छ। भौतिक पूर्वाधार तथा यातायातमन्त्री सुनिल लम्साल, नेपालका लागि जापानी राजदूत मायदा तोरु तथा जापान अन्तर्राष्ट्रिय सहयोग नियोग (जाइका)का उच्च अधिकारीहरूको उपस्थितिमा सुरुङमार्ग उद्घाटन गरिने कार्यक्रम रहेको छ।

काठमाडौंको टोटेपाखालाई धादिङको सिस्नेखोलासँग जोड्ने करिब २ हजार ६८८ मिटर लामो सुरुङमार्ग राजधानी प्रवेश र बाहिरिने यात्रालाई सहज बनाउने अपेक्षा गरिएको छ। आयोजनाको शिलान्यास तत्कालीन प्रधानमन्त्री केपी शर्मा ओलीले २०७६ कात्तिक ४ गते गरेका थिए।