गुगल जेमिनीमा नयाँ अवतार फिचर : व्यक्तिगत एआई भिडियो बनाउन सकिने

काठमाडौं । गुगलले आफ्नो जेमिनी प्लेटफर्ममा रहेको ‘अवतार’ सुविधा विस्तार गर्दै थप पेड (सशुल्क) प्रयोगकर्ताहरूका लागि उपलब्ध गराएको छ । यस सुविधाले प्रयोगकर्तालाई आफ्नै अनुहार र आवाज प्रयोग गरी एआई आधारित डिजिटल अवतार बनाउन अनुमति दिन्छ, जसको माध्यमबाट जेमिनीभित्र भिडियो तथा अन्य प्रकारका सामाग्री सिर्जना गर्न सकिन्छ ।

यो नयाँ सुविधा गुगलको नवीनतम एआई मोडेल ‘जेमिनी ओम्नी’द्वारा सञ्चालित रहेको बताइएको छ । उक्त मोडेल विभिन्न प्रकारका इनपुट प्रयोग गरी सामाग्री उत्पादन गर्न सक्षम रहेको कम्पनीको दाबी छ ।