११ प्रहरीको नाममा प्रधान कार्यालयले निकाल्यो ७ दिने सूचना

प्रहरी प्रधान कार्यालयले लामो समयदेखि आफूखुसी गैरहाजिर रहेका ११ जना प्रहरी कर्मचारीहरूलाई ७ दिनभित्र सम्पर्कमा आउन सार्वजनिक सूचना जारी गरेको छ।

सोमबार प्रकाशित सूचना अनुसार, विभिन्न दर्जाका यी कर्मचारीहरू बिना सूचना कार्यक्षेत्रमा अनुपस्थित रहेका र घरमै खोजी गर्दा समेत फेला नपरेपछि अन्तिम पटक स्पष्टीकरण पेश गर्ने मौका दिइएको हो। प्रहरी महानिरीक्षकको सचिवालयले बाटोको म्याद बाहेक सात दिनभित्र सन्तोषजनक जवाफसहित हाजिर हुन निर्देशन दिएको छ।