रास्वपा महामन्त्रीलाई केन्द्रीय सदस्य कार्कीले भने : मैले उठाइरहेको विषयमा आइपुग्नुभएकोमा स्वागत छ

राष्ट्रिय स्वतन्त्र पार्टीका केन्द्रीय सदस्य गणेश कार्कीले पार्टी महामन्त्री मुकुल ढकालको प्रतिवेदनमा समेटिएका धेरै कुरामा आफ्नो पनि सहमति रहेको बताएका छन् । महामन्त्रीले आफ्नो ३९ जिल्ला भ्रमणको प्रतिवेदन सभापति रवि लामिछानेलाई बुझाएसँगै राजनीतिक वृत्तमा तरंग छाएको थियो ।

सो विषयमा सामाजिक सञ्जाल फेसबुकमा स्टाटस लेख्दै केन्द्रीय सदस्य कार्कीले महामन्त्री ढकाललाई आफ्नो कित्तामा आएकोमा स्वागत गरेका छन् । साथै उनले पार्टी यो अवस्थामा आउनुमा ढकाल स्वयंको पनि जिम्मेवारी रहेको उनले बताएका छन् ।