बङ्गलादेशसँग श्रीलङ्का ४ विकेटले पराजित

दुबई । एसिया कप क्रिकेटअन्तर्गत रोमाञ्चक खेलमा बङ्गलादेशले श्रीलङ्कालाई ४ विकेटले पराजित गर्दै महत्त्वपूर्ण जित हात पारेको छ।

पहिले ब्याटिङ गरेको श्रीलङ्काले कप्तान दासुन शानाकाको अविजित अर्धशतकको बलमा निर्धारित २० ओभरमा ७ विकेट गुमाउँदै १६८ रनको योगफल खडा गरेको थियो। शानाकाले ३७ बलमा ६४ रन प्रहार गर्दै टिमलाई प्रतिस्पर्धात्मक स्कोरसम्म पुर्‍याएका थिए। श्रीलङ्काका लागि अन्य ब्याटरले उल्लेख्य योगदान दिन नसके पनि सुरुवाती ४४ रनको साझेदारीले आधार तयार गरेको थियो।