एक महिनाको शुल्कबराबरको रकममात्र भर्ना शुल्कबापत लिन काठमाडौँ महानगरपालिकाको निर्देशन

काठमाडौं महानगरपालिकाले एक महिनाको शुल्कबराबरको रकममात्र भर्ना शुल्कबापत लिन काठमाडौँ महानगरपालिकाका सबै संस्थागत विद्यालयहरुलाइ निर्देशन दिएको छ।

विद्यालय शिक्षा ऐन, २०७५, काठमाडौं महानगरपालिका विद्यालय शिक्षा व्यवस्थापन नियमावली, २०७४ तथा संस्थागत विद्यालय मापदण्ड तथा सञ्चालन निर्देशिका, २०६९ को दफा ४.२.६ मा विद्यार्थी भर्ना शुल्क प्रतिमहिना निर्धारण भएको विद्यार्थी शुल्कको एक महिनाको भन्दा बढी लिन पाइने छैन भन्ने व्यवस्था रहेको महानगरपालिकाले उल्लेख गरेको छ।