उखुको नयाँ मूल्य निर्धारण गर्न माग

बारा । सरकारले गत हप्ता प्रतिक्विन्टल उखुमा २० रुपियाँ बढाएर उखुको मूल्य निर्धारण गरेपछि असन्तुष्टि जनाउँदै बाराका किसानले सरकारसँग नयाँ मूल्य निर्धारण गर्न माग गरेका छन् ।

उखु खेतीको लागतमा भएको वृद्धिको तुलनामा अत्यन्तै कम मूल्य बढाएर मूल्य निर्धारण गरिएको भन्दै किसानले असन्तुष्टि जनाएका हुन् । गत वर्ष कायम भएको ५ सय ४० रुपियाँमा यो वर्षका लागि सरकारले २० रुपियाँ मात्र थप गरेर मूल्य निर्धारण गरेपछि किसानहरू असन्तुष्ट बनेका हुन् ।