पाँचौँ पटक जिब्रो छेडेर वीरेन्द्रभक्तले ३५० वर्ष पुरानो जात्रालाई जीवन्त राखे

भक्तपुर । इन्द्रजात्राका अवसरमा मध्यपुरथिमि नगरपालिका–४ बालकुमारी निवासी ३९ वर्षीय वीरेन्द्रभक्त गजू श्रेष्ठले आज राति ८ः३० बजे जिब्रो छेडेर मध्यपुरथिमिको टोलटोल र मन्दिरमन्दिर घुमेर जात्रा मनाइएको छ ।

भाद्र शुक्ल पूर्णिमाको साँझ मध्यपुरथिमि नगरपालिका–४ र ५ को सङ्गमस्थलमा रहेको दिगुटोल दिगभैरव अगाडिको डबलीमा कर्मी नाइके बाबुकाजी श्रेष्ठले तीन वटा चुच्चो भएको १० इन्च लामो फलामको सियोले जिब्रो छेडेर महाद्धीप (भेय्) बोकेर खाली खुट्टा मध्यपुरथिमिको टोलटोल घुम्नुभएको हो । नेपाल संवत् तिथिबमोजिम ञंलाथ्व पुन्हि अर्थात् इन्द्रजात्राको भोलिपल्ट हजारौँको सङ्ख्यामा उपस्थित भिडबिचमा कर्मी नाइकेले करिब १० इन्च लामो सुइरोले श्रेष्ठको जिब्रो छेडिदिएर थिमि परिक्रमा गरेको हो ।