‘देउवा र प्रचण्डसँग भागबण्डा मिलाउने कला छ’

काठमाडौं । सत्तारुढ गठबन्धनको सबैभन्दा ठूलो दल नेपाली कांग्रेसका नेता डा. शेखर कोइरालाले नेपाली कांग्रेसका सभापति शेरबहादुर देउवा र प्रधानमन्त्री तथा नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल प्रचण्डसँग भागबण्डा मिलाउने कला भएको बताउनुभयो ।

पार्टी कार्यालय सानेपामा बुधबार बसेको कार्यसम्पादन समितिको बैठकपछि उहाँले सञ्चारकर्मीहरूसँग भन्नुभयो– ‘गठबन्धनमा भागबण्डा मिलाउने कला हाम्रो सभापतिजी र प्रचण्डजीमा पनि छ । त्यही भएर अहिलेसम्म उहाँहरू टिकिराख्नुभएको छ । कलाले गर्दा नै हुने न हो । सबै दलहरूमा ‘गिभ एन्ड टेक’ हुन्छ ।’