यस्तो छ नेपालमा सुरुङमार्गको इतिहास

काठमाडौँ- नागढुंगा-सिस्नेखोला सुरुङमार्ग सञ्चालनमा आएसँगै नेपालले आधुनिक सडक सुरुङमार्गको युगमा औपचारिक प्रवेश गरेको छ। नेपालमा सुरुङ निर्माणको इतिहास भने सयौँ वर्ष पुरानो रहेको विभिन्न अध्ययनले देखाएका छन्।

इतिहासअनुसार मुस्ताङ जिल्लामा करिब दुई हजार वर्ष पुराना भूमिगत संरचना भेटिएका छन्। ती संरचना बसोबास र चिहान प्रयोजनका लागि निर्माण गरिएको जनविश्वास रहेको छ। त्यसैगरी करिब ४०० वर्षअघि पाल्पाको अर्गेलीमा सिँचाइका लागि सुरुङ निर्माण गरिएको थियो जुन अहिले पनि प्रयोगमा रहेको बताइन्छ।