एलन मस्कको स्पेस एक्सले विश्वकै ठूलो आईपीओ जारी गर्दै,  नेपालीले लगानी गर्न सक्छन् ?

यतिबेला संसारमा चर्चा छ एलन मस्क विश्वको पहिलो ट्रिलियनेयर बन्ने कुरा । हुन पनि उनी पहिलो ट्रिलियनेयर बन्दा उनीसँग कति सम्पत्ति हुनेछ ? यो अर्को चासोको विषय हो । हो, अन्तर्राष्ट्रिय सञ्चारमाध्यमका अनुसार मस्क विश्वको पहिलो ट्रिलियनेयर बन्दै छन् । त्यसका लागि स्पेस एक्सको विशेष सहयोग हुनेछ । किनभने स्पेस एक्सको सबैभन्दा ठूलो आईपीओ खुल्दै छ विश्वबजारमा । यो मस्कको लगानी रहेको अहिलेसम्मको विश्वको सबैभन्दा ठूलो निजी अन्तरिक्ष कम्पनी हो ।

अहिले यो कम्पनीले आईपीओ जारी गरेर ७५ अर्ब अमेरिकी डलर आम्दानी गर्ने तयारी गरेको छ । यो रकम जम्मा भएसँगै मस्क विश्वको पहिलो ट्रिलियनेयर हुनेछन् । अन्तराष्ट्रिय सञ्चारमाध्यामका अनुसार स्पेस एक्सको आईपीओ २ किसिमबाट निष्कासन हुनेछ । एक, सेक्युरिटिज कम्पनीहरूमार्फत । अर्को, बुक बिल्डिङ विधिबाट । ११ जुनदेखि बुक बिल्डिङमार्फत प्रतिइकाइ १३५ अमेरिकी डलर मूल्यमा शेयर बिक्री गरिनेछ ।