ह्वाट्सएपले ल्यायो नयाँ ‘भ्यू वन्स’ फिचर, अब टेक्स्ट मेसेज पनि एकपटकमै मेटिने

काठमाडौं । विश्वव्यापी रूपमा लोकप्रिय मेसेजिङ एप ह्वाट्सएपले प्रयोगकर्ताको गोपनीयता र सुरक्षा थप सुदृढ बनाउने उद्देश्यसहित नयाँ सुविधा सार्वजनिक गरेको छ । यसअघि फोटो र भिडियोका लागि मात्र उपलब्ध रहेको ‘भ्यू वन्स’ फिचरलाई अब टेक्स्ट मेसेजमा पनि विस्तार गरिएको छ ।

नयाँ अपडेटसँगै प्रयोगकर्ताले पठाएका टेक्स्ट सन्देशहरू प्राप्तकर्ताले एक पटक पढेपछि च्याटबाट स्वतः हट्नेछन् । यसले संवेदनशील वा गोप्य जानकारी सुरक्षित रूपमा आदानप्रदान गर्न सहयोग गर्ने अपेक्षा गरिएको छ ।