झन् बल्झिँदै इजरायल–हमास युद्ध

काठमाडौं । इजरायल र हमासबीच चालू युद्धले तेश्रो दिन पुग्दा झनझनै उग्र रुप लिँदैछ । हमासका तर्फबाट इजरायलको सिमावर्ती दक्षिण इलाका, तेलअबिब र जेरुसेलमलाई लक्षित गरेर रकेट प्रहार गर्ने क्रम जारी छ ।

सोमबार बिहान तेलअबिबस्थित बेन गुरियन बिमानस्थललाई समेत निशाना बनाएर रकेट प्रहार गरिएको थियो । दक्षिण इजरायलको अस्केलन र स्डेरोट शहरहरू रकेटको निशानामा थियो । तर पछिल्लो समयमा प्रहार गरिएका अधिकांश रकेटलाई इजरायलको सुरक्षा प्रणाली आइरन डोमले आकाशमै रोकेको बताइन्छ ।