क्यान्सरसँगको मेरो यात्रा: डरबाट आशातर्फ

कहिलेकाहीँ जीवनले हामीलाई यस्तो मोडमा पुर्‍याउँछ, जसको हामीले कल्पनासमेत गरेका हुँदैनौँ। मेरो जीवनमा पनि एउटा सामान्यजस्तो देखिने घटनाले यस्तै नयाँ मोड ल्यायो।

रेडक्रसको रक्तदान कार्यक्रममा कुनै बिरामीका लागि रक्तदान गर्न पुगेको थिएँ। रक्तदान गर्ने क्रममा मलाई एक्कासि रिँगटा लाग्यो। त्यसपछि मेरो स्वास्थ्य परीक्षणका क्रममा सीबीसी (CBC) जाँच गर्दा हेमोग्लोबिन (Hb) कम देखियो। रक्तदानकै कारण यस्तो भएको होला भन्ने लागे पनि पछि पनि हेमोग्लोबिन अपेक्षाअनुसार सुधार नभएपछि यसको कारण खोज्न थालियो।