दुई महिनादेखि नेतृत्व बिहीन सेवोन, आईपीओ स्वीकृतिमा ब्रेक, अध्यक्ष नियुक्तिको फाइल मन्त्रिपरिषदमा

सेयर बजारको नियामकीय निकाय नेपाल धितोपत्र बोर्ड (सेवोन) नेतृत्व (अध्यक्ष) बिहीन भएको करिब दुइ महिना पुग्न लागेको छ । तत्कालिन अध्यक्ष सन्तोष नारायण श्रेष्ठले राजीनामा दिएपछी बोर्ड पूर्णकालिन अध्यक्ष बिहीन बनेको हो ।

श्रेष्ठले वैशाख ४ गते राजीनामा दिएका थिए । अहिले दैनिक कामकाजको लागि अर्थमन्त्रालयका सहसचिवले अध्यक्षको हैसियतले काम गरिरहेका छन् । तर श्रेष्ठ अध्यक्ष हुनु भन्दा दुई दिन अघि वैशाख २ गते ३ वटा कम्पनीले आईपीओ जारी गर्ने स्वीकृति पाएका थिए । त्यस पछिका दिनमा कुनै पनि कम्पनीले आईपीओ जारी गर्नका लागि अनुमति पाएका छैनन् । अहिले पनि बोर्डमा धेरै कम्पनीहरु आईपीओ स्वीकृतिको प्रतिक्षामा रहेका छन् ।