अभिभावलाई सचेतना कार्यक्रम

काभ्रे । बालबालिकाको समग्र विकासका लागि अभिभावक, शिक्षक तथा विद्यालयको भूमिका विषयमा धुलिखेलमा पुष्पाज्जली किन्डरगार्टेन तथा तालिम सेन्टरले एकदिने कार्यशाला आयोजना गरेको छ । सो कार्यशालामा काभ्रेका बनेपा, धुलिखेल, पनौतीलगायत भक्तपुर र ललितपुरका स्कुलका प्रिन्सिपल, शिक्षक तथा अभिभावकको सहभागिता रहेको सेन्टरकी प्रिन्सिपल रोजिना केसीले बताइन् ।

बालबालिकासँग सकारात्मक रूपमा कसरी सञ्चार गर्ने, अभिभावक र शिक्षकबीचको सम्बन्धले बालबालिकाको विकासमा कस्तो भूमिका रहन्छ लगायतका विषयमा कार्यशाला प्रभावकारी भएको सेन्टरका प्रबन्ध सञ्चालक जयराम बञ्जाराले बताए । बालबालिकाको भावनात्मक विकासमा कार्यशालाले ठूलो सहयोग पुग्ने अभिभावकले महसुस गरेका थिए । कार्यशालाको सहजीकरण सञ्चारकर्मी तथा एनएलपी कोच रामसूदन तिमल्सिनाले गरेका थिए ।