जलवायु परिवर्तन कोप २७ मा अपेक्षा

यही ६ नोभेम्बरदेखि इजिप्टको ‘सार्म–एल सेख’मा युनाइटेड नेसन्स फ्रेमवर्क कन्भेनसन अन क्लाइमेट चेन्ज (यूएनएफसीसीसी)अन्तर्गत रहेर कोप–२७ को बैठक बसिरहेको छ । सो बैठकमा विश्भरिका १ सय ९८ देशका सरकार प्रमुख र राष्ट्र प्रमुख तथा सरकारी एवं गैरसरकारी प्रतिनिधिहरूले भाग लिँदै छन् । सो बैठकले यो शताब्दीमा हामी बसिरहेको यो धरतीलाई सकेसम्म शून्य कार्बन उत्सर्जनतर्पm डोहो¥याउने र विश्व तापमानलाई २ डिग्री सेल्सियसभन्दा तल झार्ने लक्ष्य राखिएको छ ।

मानिसहरूले हामी बसेको धरतीलाई अलिकति पनि माया नगरी जताभावी गरिरहेको हुनाले नै धरतीमा अनावश्यक रूपमा तापमान वृद्धि भइरहेको छ । जसका कारण हामी बसेको धरती आवश्यकताभन्दा बढी ताती रहेको छ । फलस्वरूप हिमनदी पग्लने, हिमाल पग्लने, हिमालमा हिउँ सुकेर कालो हुने, हिमालमा खोला बन्ने, हिमताल फुट्ने क्रम बढी रहेको छ । जसका कारण विश्वभरि नै बेमौसममा अकस्मात् बाढी–पहिरो आउने, अत्यधिक चिसो बढ्ने, हिमपहिरो आउने भइरहेको छ ।