न्यूनचापीय प्रणाली कमजोर भए पनि वर्षा रोकिएन, सोमबारदेखि मौसम खुल्ने

काठमाडौं — बंगालको खाडीबाट विकसित भएको न्यूनचापीय क्षेत्र कमजोर बन्दै गए पनि काठमाडौंसहित देशका विभिन्न स्थानमा वर्षा जारी छ। बागमती, मधेस, गण्डकी र लुम्बिनी प्रदेशका कतिपय क्षेत्रमा लगातार पानी परिरहेको छ भने गण्डकी र लुम्बिनीमा भारीदेखि धेरै भारी वर्षाका कारण बाढी, डुबान र पहिरोको जोखिम बढेको छ।

यसअघि जल तथा मौसम पूर्वानुमान महाशाखाले पूर्वी नेपालमा शनिबारदेखि मौसममा सुधार आउने अनुमान गरेको थियो। काठमाडौं उपत्यकामा पनि शनिबारपछि भारी वर्षा कम हुने पूर्वानुमान थियो। तर, उपत्यकामा रातिदेखि नै वर्षा भइरहेको छ।