बजेटमा सरकारले कर र अन्तःशुल्क  नवढाउदा,  सुर्तीजन्य पदार्थ नियन्त्रणमा चुनौती

काठमाडौं- नेपाल विकास अनुसन्धान प्रतिष्ठान (NDRI) ले आर्थिक वर्ष २०८३/८४ का लागि सरकारले प्रस्तुत गरेको बजेटको प्रारम्भिक विश्लेषण सार्वजनिक गर्दै सुर्तीजन्य पदार्थमा कर वृद्धि अपेक्षाभन्दा निकै कमजोर रहेको तथा शिक्षा, स्वास्थ्य, कृषि र वातावरणजस्ता मानव विकासका आधारभूत क्षेत्रहरूमा पर्याप्त लगानी हुन नसकेको निष्कर्ष निकालेको छ।

प्रतिष्ठानद्वारा आयोजित बजेट समीक्षा कार्यक्रममा सरकारले प्रस्तुत गरेको आर्थिक वर्ष २०८३/८४ को बजेटमा समावेश सुर्तीजन्य पदार्थसम्बन्धी कर नीतिको वास्तविक प्रभावबारे चर्चा गरिएको हाे। कार्यक्रममा सहभागी विज्ञहरूले सरकारले अन्तःशुल्क नबढाई भन्सार शुल्क मात्र वृद्धि गरेको भन्दै यसले सुर्तीजन्य पदार्थ नियन्त्रणमा अपेक्षित प्रभाव पार्न नसक्ने बताएका थिए।