मदन भण्डारी कप अन्तर्राष्ट्रिय पुरुष भलिबलको दोस्रो संस्करण बुटवलमा सुरु हुँदै

मदन भण्डारी स्पोर्ट्स एकेडेमीको आयोजनामा मदन भण्डारी कप अन्तर्राष्ट्रिय आमन्त्रित रनिङ पुरुष भलिबल प्रतियोगिता २०८३ को दोस्रो संस्करण बुटवलस्थित बीआईसीसीको प्राङ्गणमा आयोजना सोमबारदेखि सुरु हुँदैछ ।

प्रतिकूल मौसमका बाबजुद पनि प्रतियोगिताको सम्पूर्ण तयारी तीव्र रूपमा भइरहेको छ। मौसम पूर्वानुमान अनुसार आगामी १७ गतेसम्म मौसम अनुकूल हुने सङ्केत देखिएकाले प्रतियोगिता निर्धारित समयमै भव्य रूपमा सञ्चालन हुने एकेडेमीका अध्यक्ष ध्रुव आचार्यले जानकारी दिए ।