नेपालमा पहिलो पटक ज्येष्ठ नागरिकको औषधि सुरक्षासम्बन्धी अन्तर्राष्ट्रिय भर्चुअल तालिम आयोजना हुँदै

काठमाडौं- नेपालमा पहिलो पटक ज्येष्ठ नागरिकहरूको औषधि सुरक्षासम्बन्धी विशेष 'इन्टरनेसनल भर्चुअल ट्रेनिङ अन मेडिकेसन सेफ्टी इन ओल्डर एडल्ट्स' नामक अन्तर्राष्ट्रिय भर्चुअल तालिम हुने भएको छ। तालिम यही असोज १५ देखि १७ गतेसम्म सञ्चालन हुने छ।

विश्व ज्येष्ठ नागरिक दिवसको अवसर पारेर आयोजना गरिएको यो अन्तर्राष्ट्रिय भर्चुअल तालिम नेपालेस सोसाइटी अफ जेरोन्टोलोजी एन्ड जेरियाट्रिक्स, नेपाल जेरियाट्रिक सेन्टर, एसिया प्यासिफिक जेरियाट्रिक नेटवर्क, नेपालिज एसोसिएसन अफ प्यालियटिभ केयर र इक्वल एलायन्स नेपालको संयुक्त आयोजनामा हुन लागेको हो।