गत आर्थिक वर्ष सानिमा बैंकको वित्तीय प्रदर्शन उत्साहजनक, करपछिको नाफा ३८ प्रतिशतले बढ्यो

सानिमा बैंक लिमिटेड ले आर्थिक वर्ष २०८२/८३ को आषाढ मसान्तसम्मको अपरिष्कृत वित्तीय विवरण सार्वजनिक गर्दै अधिकांश प्रमुख वित्तीय सूचकमा उल्लेखनीय सुधार हासिल गरेको जनाएको छ। बैंकले करपछिको नाफा, प्रतिशेयर आम्दानी, कर्जा विस्तार, निक्षेप संकलन तथा सम्पत्ति गुणस्तरलगायतका सूचकमा सशक्त प्रदर्शन गरेको छ।

सार्वजनिक वित्तीय विवरणअनुसार सानिमा बैंक को करपछिको नाफा (Profit After Tax) अघिल्लो वर्षको सोही अवधिको तुलनामा ३८.०१ प्रतिशतले वृद्धि भई रु. ३ अर्ब ५५ करोड पुगेको छ। बैंकको प्रतिशेयर आम्दानी (EPS) पनि रु. १८.९४ बाट बढेर रु. २५.७५ पुगेको छ।