पाकिस्तानलाई अन्तर्राष्ट्रिय मुद्रा कोषबाट आर्थिक राहत उपलब्ध

पाकिस्तानले आर्थिक सङ्कट व्यवस्थापन तथा सुधार कार्यक्रमका लागि अन्तर्राष्ट्रिय मुद्रा कोषबाट झन्डै एक अर्ब २० करोड डलर बराबरको रकम प्राप्त गरेको घोषणा पाकिस्तान राज्य बैङ्कले गरेको छ । बैङ्कका अनुसार यो रकम बिहीबार देशको कोषमा दाखिला भइसकेको छ ।

यो सहायता विस्तारित कोष सुविधाअन्तर्गत दोस्रो समीक्षाको काम पूरा भएपछि प्रदान गरिएको हो । साथै, दिगोपन तथा स्थायित्वसम्बन्धी कोषअन्तर्गत पहिलो किस्ता पनि एकैसाथ स्वीकृत भएपछि पाकिस्तानले थप आर्थिक राहत पाएको हो ।