पञ्जाबको लगातार चौथो हारः शीर्ष स्थानमा उक्लिने मौका गुम्यो, दिल्ली ३ विकेटले विजयी

काठमाडौँ । इन्डियन प्रिमियर लिग अन्तर्गत सोमबार सम्पन्न खेलमा दिल्ली क्यापिटल्सले पञ्जाब किंग्सलाई ३ विकेटले पराजित गरेको छ । यो हारसँगै पञ्जाबले अंक तालिकाको शीर्ष स्थानमा उक्लिने महत्वपूर्ण अवसर गुमाएको छ ।

पहिले ब्याटिङ गरेको पञ्जाब किंग्सले निर्धारित २० ओभरमा ५ विकेट गुमाएर २१० रनको बलियो योगफल तयार पारेको थियो । पञ्जाबका लागि श्रेयस अय्यरले अविजित ५९ रन र प्रियान्श आर्यले ५६ रनको अर्धशतकीय इनिङ खेलेका थिए ।