एसिया कपका लागि पाकिस्तान टिम घोषणा, बाबर र रिजवान बाहिर

काठमाडौँ । पाकिस्तान क्रिकेट बोर्ड (पीसीबी) ले आगामी सेप्टेम्बरमा युएईमा हुने एसिया कप २०२५ र त्यसअघि हुने ट्राइ-सिरिजका लागि १७ सदस्यीय टी-२० टिम घोषणा गरेको छ। टिमको कप्तानी सलमान अली आगाले गर्ने भएका छन्।

आश्चर्यजनक रूपमा पूर्व कप्तान बाबर आजम र विकेटकीपर ब्याट्सम्यान मोहम्मद रिजवानलाई टिममा राखिएको छैन। दुवै खेलाडी पछिल्ला केही महिनायता टी-२० टोलीमा निरन्तर बाहिर रहेका छन्। बाबरले अन्तिम पटक सन् २०२४ को डिसेम्बरमा टी-२० खेलेका थिए ।