सुनसरीमा संयुक्त रूपमा सुरक्षा योजना निर्माण र परिचालन गर्ने निर्णय

काठमाडौँ । सुनसरीको देवानगञ्ज गाउँपालिका वडा नम्बर–३ को कप्तानगञ्जमा हिन्दु र मुस्लिम समुदायको बिचमा भएको घटनाबारे केन्द्रीय सुरक्षा समितिमा ४ घण्टा छलफल भएको छ ।

आइतबार राति झडप नियन्त्रणमा लिन खोज्दा सुरक्षाकर्मीको गोली लागेर ३० वर्षीय ओमप्रकाश मेहताको मृत्यु भएको थियो । त्यसबारे सोमबार गृहमन्त्री सुधन गुरुङको अध्यक्षतामा सिंहदरबारमा बसेको केन्द्रिय सुरक्षा समितिमा लामो छलफल भएको छ । बैठकमा गृह सचिव राजकुमार श्रेष्ठ, सेनाका बलाधिकृत रथी प्रदिपजंग केसी, आईजीपी दान बहादुर कार्की, सशस्त्र प्रहरीका आईजी नारायणदत्त पौडेल र राष्ट्रिय अनुसन्धान विभागका मुख्य अनुसन्धान निर्देशक टेकेन्द्र कार्की लगायतका सुरक्षा अधिकारीहरु सहभागी थिए ।