भ्याली पब्लिक, मार्वलस, संस्कृति र डाफोडिल सेमिफाइनलमा

काठमाडौं । भ्याली पब्लिक, मार्वलस, संस्कृति इन्टरनेसनल स्कुल र डाफोडिल पब्लिक स्कुल यु–१६ अन्तरविद्यालय छात्र बास्केटबल प्रतियोगितामा आइतबार सेमिफाइनलमा प्रवेश गरेका छन् ।

त्रिपुरेश्वरस्थित राष्ट्रिय खेलकुद परिषद्को कभर्डहलमा भ्याली पब्लिकले मातृभूमिलाई ५७–५४ ले पराजित गर्यो । भ्याली पब्लिकको जितमा रोशन विकले २१ अंक योगदान गरे । रोशन कुश्वर्नाको १३ अंक सहयोगमा मार्वलसले रेडियन्ट पब्लिकलाई ६०–५५ ले हरायो ।