निजामती सेवा विधेयकमा लोकसेवा आयोगको फरक मत, अवकाश र पेन्सन व्यवस्थामाथि प्रश्न

काठमाडौं । सरकारले अघि बढाएको संघीय निजामती सेवा विधेयकका केही महत्वपूर्ण प्रावधानप्रति लोकसेवा आयोगले असहमति जनाएको छ। विशेषगरी कर्मचारीको अनिवार्य अवकाश, सचिवको पदावधि र पेन्सन गणनासम्बन्धी प्रस्तावमा आयोगले फरक राय प्रस्तुत गरेको हो।

मन्त्रिपरिषद्ले करिब दुई साताअघि रायका लागि पठाएको विधेयक आयोगले गत बिहीबार फरक मतसहित फिर्ता पठाएको स्रोतले जनाएको छ।