यसपालिको गठबन्धनको कुनै सैद्धान्तिक आधार छैन : अजय द्विवेदी (भिडियो)

पर्सा १ बाट प्रतिनिधिसभाका लागि स्वतन्त्र उम्मेदवार रहेका अजय द्विवेदी गठबन्धनले देशको राजनीतिलाई असफल बनाउने दाबी गरेका छन् । आइतबार पर्साको वीरगन्जमा रातोपाटी टिमसँग कुरा गर्दै उनले यसपालिको गठबन्धन मात्र सत्ताका लागि भएको र यसका कुनै सैद्धान्तिक आधार नभएको बताएका हुन् ।

‘हिजोको गठबन्धन सैद्धान्तिक थियो, वाम गठबन्धनले जितेको थियो, तर त्यो फेल भयो,’ उनले प्रश्न गरे, ‘सैद्धान्तिक आधारमा बनेको गठबन्धन त असफल भयो भने बिना सिद्धान्त, बिना कार्यक्रम, बिना नीतिको गठबन्धन चल्छ ? यसले देशको राजनीतिलाई अस्थिर बनाउँछ ।’