हिम्लुङमा बेपत्ता आरोहीको खोजी, उद्धार टोलीसहित हेलिकप्टर परिचालन

मनाङ । मनाङको नार्पाभूमि गाउँपालिका–५ स्थित हिम्लुङ हिमालमा पहिरो गएपछि सम्पर्कविहीन भएका १० जनाको खोजी तथा उद्धारका लागि हेलिकप्टर परिचालन गरिएको छ।

स्थानीय प्रशासनका अनुसार पहिरो गएको क्षेत्रमा खोजी गर्न प्रभु हेलिकप्टरबाट चार जना उद्धारकर्मी पठाइएको छ। थप तीन जना उद्धारकर्मीलाई कैलाश हेलिकप्टरमार्फत घटनास्थलतर्फ पठाउने तयारी भइरहेको जिल्ला प्रहरी कार्यालय मनाङले जनाएको छ।