फ्रेन्च लिग-१ मा पीएसजीको सुखद सुरुआत

काठमाडौँ । फ्रान्सेली च्याम्पियन पेरिस सेन्ट–जर्मेन (पीएसजी) ले लिग-१ को नयाँ सिजन विजयी सुरुवातसँगै गरेको छ। नेपाली समयअनुसार सोमबार बिहान नान्तेसविरुद्धको पहिलो खेलमा पिएसजीले १-० को जीत हात पारेको हो।

खेलको पहिलो हाफमा बलमा नियन्त्रण राखे पनि गोल गर्न नसकेको पिएसजीले दोस्रो हाफको ६७औँ मिनेटमा विटिन्हाको गोलमार्फत अग्रता लियो। त्यही गोल अन्तिममा निर्णायक बन्यो र टोलीले तीन अङ्क सुरक्षित गर्न सफल भयो ।